काठमाडाैं । नेकपा एमालेकी सांसद् ईश्वरी घर्तीले हैजा संक्रमण बढ्दै गएकाे भन्दै नियन्त्रणका लागि सरकारकाे ध्यानाकर्षण गराउनुभएकाे छ ।
बिहीबार बसेकाे प्रतिनिधि सभा बैठककाे शून्य समयमा बाेल्दै सांसद् घर्तीले देशका कतिपय ठाउँमा हैजा फैलिरहेको भन्दै नियन्त्रणमा ध्यान दिन सरकारसँग माग गर्नुभयाे ।
राेल्पा प्युठान लगायत विभिन्न जिल्लाका धेरै जनामा हैजा पुष्टि भएकाे भन्दै उहाँले समयमै व्यापक जनशक्ति परिचालन गरेर जनचेतना अभियान चलाउनुपर्ने बताउनुभयाे । नत्र हैजाले महामारीकाे रुप लिन सक्ने सांसद् घर्तीले बताउनुभयाे । उहाँले भन्नुभयाे - 'राेल्पा प्युठान लगायत विभिन्न जिल्लाका धेरै जनामा हैजा पुष्टि भइसकेकाले देशैभर समयमै व्यापक जनशक्तिसहितकाे जनचेतनामूलक अभियान चलाएर राेक्न नसकिए यसले महामारी रुप लिन सक्ने भएकाले यसमा विशेष ध्यान दिन र पहाडी जिल्लामा हैजाकाे रिपाेर्ट तत्काल प्राप्त हुने व्यवस्था गर्न समेत सरकार र स्वास्थ्य मन्त्रालयकाे ध्यानाकर्षण गराउँछु ।'
राेल्पामा ४ जनामा हैजा पुष्टि भएकाे र तीमध्ये ३ जना एकै परिवारका रहेका सांसद् घर्तीले बताउनुभयाे । उनीहरुकाे रिपाेर्ट भने एक सातापछि आएकाे र त्यतिबेला निकाे भइसकेकाे उहाँले बताउनुभयाे ।
