काठमाडाैं । नेपाली कांग्रेसका सांसद् चन्द्रकान्त भण्डारीले सरकारले भाषण नभइ काम गरेर देखाउनुपर्ने बताउनुभएकाे छ ।
मंगलबार बसेकाे प्रतिनिधि सभा बैठककाे विशेष समयमा बाेल्दै सांसद् भण्डारीले मुलुक बनाउने बाटाेतिर लाग्न सरकारलाई सुझाव दिनुभयाे । यही तरिकाले सरकार अघि बढे व्यवस्था, नेतृत्व र मुलुकमाथि नै संकट पर्ने उहाँले बताउनुभयाे ।
नेतृत्वकाे इच्छाशक्ति नहुँदा आफू जस्ता जेलनेल भाेगेका नेताले समेत काम गर्ने अवसर नपाएकाे सांसद् भण्डारीले बताउनुभयाे ।
२१औं शताब्दीमा पनि छाेरी-चेली र बालबालिका बेचिने अवस्था आउनु गलत भएकाे भन्दै उहाँले विमानस्थलबमटै छाेरीहरु बेचिने अवस्था नराेक्ने हाे भने सुरक्षा निकाय पाल्नुपर्ने आवश्यकता नभएकाे बताउनुभयाे ।
सदनमा छलफल गर्नुपर्ने धेरै विषय भएकाे भन्दै सांसद् भण्डारीले ती विषयमा सदनकाे छलफल केन्द्रित हुनुपर्ने बताउनुभयाे ।
गरिबी र पीडामा महिलाहरु तिजमा रमाएका भन्दै उहाँले अहिले आएकाे विष्णु माझीकाे तिज गीतकाे प्रशंसा गर्नुभयाे । विष्णु माझीलाई सार्वजनिक रुपमा देख्ने व्यवस्था मिलाउन समेत सांसद् भण्डारीले सरकारकाे ध्यानाकर्षण गराउनुभयाे ।
