काठमाडाैं । खानेपानीमन्त्री प्रदीप यादवले आम नागरिकलाई शुद्ध र स्वच्छ खानेपानी उपलब्ध गराउन सरकार प्रतिबद्ध रहेकाे बताउनुभएकाे छ ।
मंगलबार बसेकाे प्रतिनिधि सभा बैठकमा सांसद्हरुले आकस्मिक, शून्य र विशेष समयमा उठाएका प्रश्नकाे जवाफ दिँदै मन्त्री यादवले काठमाडाैंबासी लगायत देशभरका सबै नागरिकलाई शुद्ध र स्वच्छ खानेपानी उपलब्ध गराउने बताउनुभयाे ।
हाल बन्द गरिएको मेलम्ची खानेपानी आयोजनालाई आगामी असोजको पहिलो सातादेखि पुनःसञ्चालनमा ल्याई काठमाडौँवासीलाई खानेपानी उपलब्ध गराइने उहाँले बताउनुभयाे । बजेट अभावका कारण कतिपय आयाेजना राेकिएका भन्दै मन्त्री यादवले अहिलेका अर्थमन्त्री विष्णुप्रसाद पाैडेलले बजेटका लागि निक्कै पहल गर्नुभएकाे बताउनुभयाे ।
जलवायु परिवर्तन र चुरे दाेहनका कारण तराई मधेशमा पानीकाे संकट भएकाे उहाँले बताउनुभयाे ।
