काठमाडौं । नेकपा एमालेका प्रमुख सचेतक महेश कुमार बर्तौलाले पाँचथरमा बेवारिसे बम विस्फोट भइ २ जनाको ज्यान गएको विषयमा सरकारकाे ध्यानाकर्षण गराउनुभएकाे छ ।
सोमबार बसेकाे प्रतिनिधि सभा बैठकको आकस्मिक समयमा बाेल्दै प्रमुख सचेतक बर्ताैलाले साे घटनाबारे सदनलाई जानकारी गराउन गृहमन्त्री रमेश लेखककाे ध्यानाकर्षण गराउनुभयाे ।
यस्ताे दु:खद घटनाबारे सरकारले गम्भिरतापूर्वक अनुसन्धान गर्नुपर्नेमा त्यतातर्फ ध्यान नगएकाे उहाँले बताउनुभयाे । 'यतिका दिनसम्म पनि यस घटनाकाे दाेषी काे हाे ? सरकारले याे सदनलाई जानकारी गराउनुपर्छ, यस्ताे गम्भीर प्रकृतिकाे घटनाबारे माननीय गृहमन्त्रीले संसद्मा जानकारी गराउनु उपयुक्त हुन्छ'- बर्ताैलाले भन्नुभयाे ।
सशस्त्र द्वन्द्वमा फ्याँकिएका बम अहिले आएर विस्फाेट भएकाे समाचार आएकाे भन्दै उहाँले यसकाे जिम्मा कसले लिने ? भन्ने प्रश्न गर्नुभयाे । प्रमुख सचेतक बर्ताैलाले प्रश्न गर्नुभयाे - 'याे घटनाप्रति काे जवाफदेही काे हुने हाे ? यसकाे जिम्मा कसले लिने ?'
राज्य पक्षबाट बेबाहारिसे बम छाडेकाे नसुनिएकाे भन्दै उहाँले त्यतिबेला द्वन्द्वरत पक्षबाट साे बम बेवारिसे राखिएकाे हाे भने देशभर कहाँ कहाँ त्यस्ता बम राखिएकाे हाे खाेजी गर्नुपर्ने बताउनुभयाे ।
