काठमाडाैं । नेकपा एमालेका सांसद् गोकुल बास्कोटाले उपसभामुख इन्दिरा राना मगरलाई राजीनामा दिन सुझाव दिनुभएकाे छ ।
मंगलबार बसेकाे प्रतिनिधि सभा बैठककाे विशेष समयमा बाेल्दै सांसद् बाँस्काेटाले निरन्तर पीडित हुनुभन्दा खुला किताब र सबैका निम्ति पारदर्शिता प्रदर्शन गर्न मार्गप्रशस्त गर्न उपसभामुखलाई आग्रह गर्नुभयाे ।
विगतमा आफूमाथि प्रश्न उठाउँदा राजीनामा दिएर छानबिनका लागि वातावरण बनाएकाे उहाँले स्मरण गर्नुभयाे । सांसद् बास्काेटाले भन्नुभयाे -'सदनमा पटकपटक कुरा उठिसक्यो, यहाँ कयौंँ दृष्टान्त पनि छन्, एउटा प्रश्न उठिसकेपछि मैले पदबाट राजीनामा दिएको थिएँ, ममाथि छानबिन गरियोस्, दोषी भए प्रमाणित गरियोस्, तथ्यका आधारमा सत्य प्रमाणित गरियाेस् र कारबाही गरियाेस्, याे नैतिकता, यति आँट, यति साहस राजनीतिक मान्छेसँग हुनुपर्छ जसले याे लाेकतन्त्रकाे दुहाई दिन्छाैं, जब प्रश्न उठ्या छ भने उहाँले आफ्नाे पदबाट मार्गप्रशस्त गरे के बिग्रिन्छ त सबैलाई एकमुष्ट जवाफ भएन ? बाँकी कुरा त कानुनले गर्ला, छानबिन भए अरुले गर्ला, मेराे सुझाव छ ।'
प्रश्न उठ्नु र जवाफदेहिता चाहिन्छ भनेर माग गर्नु लाेकतन्त्रकाे हत्या नहुने उहाँले स्पष्ट पार्नुभयाे । लोकतन्त्रमा सबैमाथि प्रश्न उठाउन पाउने भन्दै सांसद् बास्काेटाले लोकतन्त्र र कानुनी राजमा आफूलाई सही प्रमाणित गर्ने अवसर हुने बताउनुभयाे । प्रश्न उठाउँदैमा लाेकतन्त्रकाे चीरहरण नहुने उहाँले बताउनुभयाे । सांसद् बास्काेटाले भन्नुभयाे - 'कतिपय साथीहरूले भन्नुभयो- लोकतन्त्रको चीरहरण हुन्छ, उहाँमाथि प्रश्न उठाउन मिल्दैन, लोकतन्त्र नै त्यो व्यवस्था हो -जसले सबैमाथि प्रश्न उठाउन पाउँदछ, जसलाई नैतिकताकाे कसीमा जाँचिनुछ उहाँले आफूमाथिकाे निष्पक्षता र सहीपनालाई चुनाैती दिनकाे निम्ति र अरुलाई गलत प्रमाणित गरेर आफूलाई सही प्रमाणित गर्ने अवसर पनि लाेकतन्त्र र कानुनी राजमा हुन्छ ।'
संसद्मा उठेकाे कुराकाे जवाफदेहिता र त्यस प्रश्नमाथिकाे निरुपणकाे प्रश्न संसद्काे प्रश्न हुने पनि उहाँले प्रष्ट पार्नुभयाे । यसमा सरकारलाई जाेड्न आवश्यक नरहेकाे उहाँले बताउनुभयाे ।
