काठमाडाैं । प्रतिनिनिधि सभाले सहकारी संस्था बचत रकम दुरुपयोग सम्बन्धमा संसदीय छानबिन विशेष समितिको प्रतिवेदन कार्यान्वयनका लागि सरकारलाई पठाएकाे छ ।
साेमबार बसेकाे प्रतिनिधि सभा बैठकले साे प्रतिवेदन कार्यान्वयनका लागि सरकारलाई पठाएकाे हाे । बैठकमा पेस भएकाे समितिको प्रतिवेदन कार्यान्वयन गर्न सभामुख देवराज घिमिरेले सरकारलाई निर्देशन दिनुभयाे । उहाँले भन्नुभयाे - 'माननीय सदस्यहरु सभामा प्रस्तुत सहकारी संस्था बचत रकम दुरुपयोग सम्बन्धमा संसदीय छानबिन विशेष समितिको प्रतिवेदन, २०८१ आवश्यक कार्यार्थ नेपाल सरकारलाई पठाउन म सचिवालयलाई निर्देश गर्दछु ।'
बैठकमा समितिका सभापति सूर्य थापाले समितिकाे प्रतिवेदन पेस गर्नुभएकाे थियाे । तथ्यका आधारमा सत्य पहिल्याउने प्रयास समितिले गरेकाे उहाँले बताउनुभयाे । सहकारी समस्या समाधानका लागि समितिले सुझाव दिएको भन्दै उहाँले प्रतिवेदन कार्यान्वयन हुने विश्वास व्यक्त गर्नुभयाे ।प्रधानमन्त्री केपी शर्मा ओलीले समितिकाे बैठकमा उपस्थित भएर प्रतिवेदन कार्यान्वयन गर्ने प्रतिबद्धता जनाउनुभएकाे पनि सभापति थापाले बताउनुभयाे ।
समिति सभापति थापाले गोरखा मिडिया नेटवर्कमा सहकारीबाट ८५ करोड रुपैयाँ अवैध रुपमा ल्याइएको पाइएकाे बताउनुभयाे । सहकारीले फेककाे बिगबिगी खेपिरहेकाे उहाँले बताउनुभयाे ।
