काठमाडाैं । राष्ट्रिय सभा सदस्य बामदेव गौतमले आफ्नै बुद्धि कमजोर भएकाले एमालेबाट बाहिर बस्नुपरेको गुनासाे गर्नुभएकाे छ ।
सोमबार सिंहदरबारमा बसेको राष्ट्रिय सभाको विकास, आर्थिक मामिला तथा सुशासन समितिकाे बैठकमा बाेल्दै सांसद् गौतमले एमाले निर्माण गर्न ७५ प्रतिशत भूमिका आफ्नाे रहेपनि आफ्नै बुद्धिले एमालेबाट बाहिर बस्नुपरेकाे बताउनुभयाे । 'एमाले पार्टी निर्माण गर्न मेराे ७५ प्रतिशत भूमिका छ, तर मेरै बुद्धि कमजाेर भयाे र बाहिर बसियाे'- उहाँले भन्नुभयाे ।
आफू सिद्धान्त र अध्ययन बिना नबाेल्ने भन्दै सांसद् गाैतमले आफूले नपढेपनि कम्युनिष्ट आन्दाेलनमा याेगदान गर्दै गर्दा धेरै अनुभव बटुलेकाे बताउनुभयाे ।
प्राकृतिक विपद्काे स्थायी समाधानतिर सरकार लाग्नुपर्ने सांसद् गाैतमले बताउनुभयाे । कम्युनिष्ट र कांग्रेस मिलेर काम गर्ने अवसर अहिले रहेकाे भन्दै उहाँले बाहिर बसेका कांग्रेस र कम्युनिष्टले यसमा सरकारलाई साथ दिने बताउनुभयाे ।
पहिरोमा पुरेर त्रिशुलीमा दुई वटा बस बगाएपछि २ महिना सडक बन्द गर्न आफूले राष्ट्रिय सभा बैठकबाटै सुझाव दिए पनि सरकारले त्यसलाई नसुनेको सांसद् गाैतमले बताउनुभयाे । पहिराेकाे जाेखिमबारे चीन र इजरायलका विज्ञ ल्याएर अध्ययन गर्न आफूले सुझाव दिएकाे तर त्याे कुरा पनि सरकारले नसुकेकाे उहाँले बताउनुभयाे । सांसद् गाैतमले याे काम सरकारले तत्काल गर्नुपर्ने बताउनुभयाे ।
