हिउँदे अधिवेशनको पहिलो दिन संसद्‌मा प्रधानमन्त्री ओलीले सम्बोधन गर्ने

काठमाडौं । संघीय संसद्को हिउँदे अधिवेशनकाे पहिलाे दिन प्रधानमन्त्री केपी शर्मा ओलीले सदनमा सम्बोधन गर्ने गर्नुहुने भएकाे छ ।

संसद्को हिउँदे अधिवेशन आगामी माघ १८ गतेदेखि सुरु हुँदैछ । संघीय संसद् भवन नयाँ बानेश्वरमा दिउँसो १ बजेका लागि बोलाइएको पहिलो दिनको बैठकलाई प्रधानमन्त्रीसहित शीर्ष नेताले सम्बोधन गर्नुहुने कार्यक्रम तय भएकाे नेकपा एमालेका प्रमुख सचेतक महेश बर्तौलाले जानकारी दिनुभयाे ।

बैठक तयारीका लागि सभामुख देवराज घिमिरेले आइतबार सत्तापक्षका प्रमुख सचेतकहरूसँग छलफल गर्नुभएकाे थियाे । बैठकपछि सञ्चारकर्मीसँग कुरा गर्दै एमाले प्रमुख सचेतक बर्ताैलाले हिउँदे अधिवेशन, सरकारले ल्याउने विधेयक लगायत विषयमा छलफल भएकाे जानकारी दिनुभयाे ।