काठमाडौं । राष्ट्रिय सभा सदस्य वामदेव गौतमले नेपाललाई १० वर्ष भित्र युरोपियन मापदण्डामा पुर्याउन सकिने दाबी गर्नुभएको छ ।
आइतबार राष्ट्रिय सभा बैठकमा बोल्दै गौतमले नेपालमा पुँजीवाद अब यहाँभन्दा अगाडि नजाने भन्दै पुँजीवादबाटै नेपालमा समाजवाद आउने बताउनुभयो ।
उहाँले समय तोकेरै नेपालमा समाजवाद निर्माण गर्न सकिने बताउनुभयो । उहाँले समाजवादको विषयमा आफ्नो जीवन नै दाउनमा राख्न तयार भएको बताउनुभयो ।
गौतमले समाजवाद निर्माण गर्न नसकिए आफू फाँसीमा चढ्न तयार रहेको बताउनुभयो । ‘समाजवाद निर्माण गर्नका लागि म आफूलाई दाउमा राख्न चाहन्छु’, उहाँले भन्नुभयो ।
