काठमाडाैं । गृहमन्त्री रमेश लेखकले सर्लाहीमा अन्तरजातीय विवाह गरेका दलित दम्पत्तीमाथि अत्याचार भएकाे भनिएकाे विषयमा आफूले कुनै निर्देशन नदिएकाे प्रष्ट पार्नुभएकाे छ ।
बिहीबार बसेकाे प्रतिनिधि सभा बैठकले सांसद्हरुले साे विषयमा उठाएका प्रश्नकाे जवाफ दिँदै गृहमन्त्री लेखकले सर्लाहीका सत्येन्द्रकुमार राम (चमार) र नेहा रौनियारकाे विषयमा आफूलाई जाेडेर आएकाे समाचारमा कुनै सत्यता नभएकाे प्रष्ट पार्नुभयाे । उहाँले भन्नुभयाे - 'समाचारमा आएजस्ताे गृहमन्त्रीकाे निर्देशनमा अत्याचार भयाे भन्नु सरासर कपाेकल्पित र असत्य हाे भन्ने आग्रह गर्छु ।'
समाचार थाहा पाउनासाथ मन्त्रालयले धारणा स्पष्ट पारिसकेकाे र आफ्नाे निर्देशन बमाेजिम प्रहरीले काम गरिरहेकाे गृहमन्त्री लेखकले बताउनभयाे । यस विषयमा छानबिन र कानुन बमाेजिम कारबाही गरिने उहाँले बताउनुभयाे ।
सत्येन्द्रकुमार र नेहाकाे पूर्ण सुरक्षाकाे प्रत्याभूति र संरक्षण गर्ने गृहमन्त्री लेखकले बताउनुभयाे । तथ्यलाई ताेडमाेड गर्ने र समाजलाई विभाजन गर्ने मनसायसाथ समाचार सम्प्रेषण नगर्न उहाँले सञ्चार माध्यमहरुलाई आग्रह गर्नुभाषे ।
यस विषयमा मन्त्रालय संवेदनशील रहेकाे भन्दै गृहमन्त्री लेखकले जातीय विभेद र छुवाछुत विरुद्ध आफू र आफ्नाे पार्टी रहेकाे प्रष्ट पार्नुभयाे । वैयत्तिक स्वतन्त्रता र मानव अधिकारकाे ग्यारेन्टीका लागि विद्यार्थीकालदेखि लड्दै आएकाे आफूलाई अन्तरजातीय विवाहप्रति पूर्वाग्राही भयाे भन्नु आफ्नाे जीवन मूल्य र आदर्शप्रतिनै अवमूल्यन भएकाे उहाँले बताउनुभयाे ।
गृह मन्त्रालय कानुनी व्यवस्थालाई अक्षरस कार्यान्वयन गर्न प्रतिबद्ध रहेकाे गृहमन्त्री लेखकले बताउनुभयाे । यस्ता विवाहलाई राज्यले प्राेत्साहन गर्न आफू प्रतिबद्ध रहेकाे उहाँले बताउनुभयाे ।
