काठमाडौं । एकीकृत समाजवादीका सांसद् अम्मरबहादुर थापाले दैलेखमा जारी पेट्रेलियम पदार्थको अन्वेषणको कार्यलाई तिब्रता दिन माग गर्नुभएकाे छ ।
बिहीबार बसेकाे प्रतिनिधि सभा बैठककाे शून्य समयमा बाेल्दै सांसद् थापाले दोस्रो चरणको काम सुरु भएको भन्दै तत्काल डीपीआर गरेर तेस्रो चरणको कामलाई तिब्रता दिन सरकारकाे ध्यानाकर्षण गराउनुभयाे ।
दैलेखको भैरवी गाउँपालिका-१ जलजलेमा पेट्रोलियम पदार्थ र प्राकृतिक ग्यास अन्वेषणका लागि ड्रिलिङ काम भइरहेको छ । नेपालको अर्थतन्त्रलाई गतिशील बनाउन वितरणमुखी भन्दा उत्पादनमूखी बनाउनेतर्फ सरकारले ध्यान दिनुपर्ने उहाँले बताउनुभयाे ।
