काठमाडौं । प्रधानमन्त्री केपी शर्मा ओलीले तराई मधेसका नागरिक लाभान्वित हुने आयोजनाहरूलाई सरकारले सधैँ प्राथमिकतामा राखेको बताउनुभएको छ ।
आइतबार प्रतिनिधि सभा बैठकमा प्रतिनिधि सभा सदस्य प्रतीक्षा तिवारीले सोध्नु भएको प्रश्नको जवाफ प्रधानमन्त्री ओलीले ती आयोजनाहरूले तराई-मधेस क्षेत्र मात्र नभएर समग्र देशको आर्थिक एवं सामाजिक विकासमा योगदान पुर्याउने भएकोले देशकै राष्ट्रिय गौरवका आयोजनाहरू भएका स्पष्ट पार्नुभयो। सोह्रौँ योजनामा यी आयोजनालाई प्राथमिकताका साथ समावेश गरिएको उहाँले जानकारी दिनुभयो । आवधिक योजनाको लक्ष्य अनुरूप हरेक वर्ष नीति तथा कार्यक्रम एवं बजेटमा ती आयोजनामा उल्लेखनीय बजेट विनियोजन गरी कार्यान्वयनमा संलग्न निकायहरूलाई क्रियाशील बनाइएको ओलीले बताउनुभयो ।
जयनगर-जनकपुर-कुर्था-विजयपुरा ५२ किलोमिटर रेलवेको निर्माण कार्य सम्पन्न भई यात्रुवाहक रेल सेवा दैनिक सञ्चालन भएको जानकारी दिँदै उहाँले जयनगर(जनकपुर हरेक दिन ३ पटक र जनकपुर–विजयपुरा दिनको एक पटक आउने(जाने गरी रेल सेवा दिइएको उहाँले बताउनुभयो। थप विजयपुरा-बर्दिबास सम्मको १७ किलोमिटर खण्डमा भारतीय सरकारको सहयोगमा छिट्टै निर्माण प्रक्रिया अघि बढ्ने पनि उहाँले जानकारी दिनुभयो।
काठमाडौं(तराई मधेस द्रुत मार्गलाई शीघ्रताका साथ सम्पन्न गर्न नेपाली सेनालाई यसको जिम्मेवारी तोकिएको ओलीले बताउनुभयो। सो आयोजनालाई छिटो सम्पन्न गर्ने सम्बन्धमा सम्बद्ध निकायका उच्च पदाधिकारीहरूसँग पटक पटक छलफल गरी तीव्रताका साथ कार्यान्वयन गरेको उहाँले जानकारी दिनुभयो। सो आयोजनाको हालको भौतिक प्रगति ३७।६ प्रतिशत रहेको पनि उहाँले बताउनुभयो।
सुनकोसी मरिन डाइभर्सन बहुउद्देश्यीय आयोजनाको सुरुङको निर्माण सम्पन्न भई हाल हेडवर्क्स र पावरहाउस लगायतका संरचना निर्माणको काम अघि बढेको ओलीले जानकारी दिनुभयो। हाल यसको भौतिक प्रगति ३५।१८ प्रतिशत रहेको उहाँले बताउनुभयो ।
निजगढ अन्तर्राष्ट्रिय विमानस्थलले ठुलो लगानीको माग गरेको उहाँले बताउनुभयो। सो योजनाको लगानीको व्यवस्थापन गरी निर्माण कार्य अगाडि बढाउन सरकार सकारात्मक रहको उहाँले जानकारी गराउनुभयो ।
चुरेको भू(बनोट, माटोको प्रकृति, जैविक विविधतामा ह्रास र छोटो समयमा सघन वर्षा आदि कारणले सो क्षेत्र अति संवेदनशील भएको ओलीले बताउनुभयो। चुरे क्षेत्र र तराई मधेसमा देखिएको पानीको समस्या समाधानका लागि सुरुवाती चरणबाटै राष्ट्रपति चुरे संरक्षण कार्यक्रम मार्फत पानीका स्रोतको संरक्षणका विभिन्न कार्यक्रमहरू सञ्चालन हुँदै आइरहेका उहाँले जानकारी दिनुभयो। हालसम्म ६ सय ५७ वटा भूमिगत जल पुनर्भरण, पोखरी निर्माण तथा संरक्षण, १ सय ५९ वटा तालतलैया तथा सिमसार व्यवस्थापन, १ सय ७६ वटा वर्षाको पानी बाँध्ने ड्याम, ७६ वटा जल पुनर्भरण एवं संरक्षण पोखरी, ५ सय ४८ वटा पानी मुहान संरक्षण तथा कुवा उत्खनन लगायतका कार्य सम्पन्न गरिएको उहाँले बताउनुभयो । ‘चुरेको संरक्षण गरी वातावरण संरक्षण, खानेपानीको आपूर्ति व्यवस्थापन जस्ता जनतासँग प्रत्यक्ष सम्बन्धित रहेका विषयमा सरकारले उच्च प्राथमिकता दिएको छ’, ओलीले भन्नुभयो ।
