गणतान्त्रिक नेतृत्व माथि आक्रमण हुँदा लोकतन्त्रका सेनानी चुप लागेर बस्दैनन् : ईश्वरबहादुर रिजाल

काठमाडौं । प्रतिनिधि सभा सदस्य ईश्वरबहादुर रिजालले संसद् सभ्यताको थलो भएको बताउनुभएको छ ।

बिहीबार प्रतिनिधि सभा बैठकमा बोल्दै रिजालले जङ्गलबाट सहरतिर छिरेका जम्बु मन्त्रीहरूले संसदमा असभ्य शब्दहरू बोल्ने गरेको बताउनुभयो । नेकपा एमाले कार्यकर्तालाई बिल्ला लगाएका गण्डा भनि संसदमा बोलिएको शब्द प्रति उहाँले आपत्ति जनाउनुभयो ।

उनीहरू गुण्डा नभएर लोकतन्त्रका सेनानी भएका बताउनुभयो । ‘जब लोकतन्त्र माथि प्रहार हुन्छ, गणतन्त्र माथि प्रहार हुन्छ, लोकतान्त्रिक गणतन्त्रात्मक नेतृत्व माथि प्रहार हुन्छ, त्यति बेला थाहा हुन्छ ती लोकतन्त्रका सेनानीहरूको तागत कति हुन्छ भनेर’, उहाँले भन्नुभयो ।