सरकार र व्यवस्था प्रति आक्रोश बढेको बेला पूर्वविशिष्टलाई सुविधा दिनु हुँदैन : चित्रबहादुर केसी

काठमाडौं । प्रतिनिधि सभा सदस्य चित्रबहादुर केसीले देश गम्भीर संकटमा परेको बताउनुभएको छ ।

आइतबार प्रतिनिधि सभा बैठकमा बोल्दै केसीले यस्तो बेला सरकारले गम्भीर भएर काम गर्नुपर्ने बताउनुभयो । ‘मुलुकको यस्तो आर्थिक अवस्था देख्दा देख्दै, लाखौँ नेपाली जनता विदेशका गल्लीमा नेपाली युवा भतारिएको देख्दा देख्दै पूर्वविशिष्टलाई सेवा सुविधा दिने निर्णय के गर्न लागेको सरकारले ?’, उहाँले भन्नुभयो ।

जनताको सरकार र व्यवस्था प्रति अहिले ठुलो आक्रोश बढिरहेको बेलामा सरकारले यस्ता निर्णय गर्नु नहुने उहाँले बताउनुभयो । पूर्वविशिष्ट अधिकारे कुनै दुःख नपाएकोले उहाँहरूलाई कुनै सुविधा दिन आवश्यक नरहेको केसीले स्पष्ट पार्नुभयो ।