काठमाडौं । प्रतिनिधि सभा सदस्य चित्रबहादुर केसीले सुशासन र रोजगारी आजको प्रमुख आवश्यकता रहेको बताउनुभएको छ ।
सोमबार प्रतिनिधि सभा बैठकमा बोल्दै केसीले मुलुक कुशासनको चक्रब्युहमा फेसको बताउनुभयो । ‘मुलुक कुशासनमा फसेकै कारण लोकतन्त्र र गणतन्त्र माथि नै सङ्कट आएको छ’, उहाँले भन्नुभयो ।
देशमा सुशासन र रोजगारीको लागि विशेष काम गर्नुपर्नेमा उहाँले जोड दिनुभयो । दरा पाखुरा भएका नागरिक विदेश पठाएर सुशासनको कुरा गर्नुको कुनै अर्थ नभएको उहाँले बताउनुभयो ।
सर्वसाधारण जनताले शासकलाई हेर्ने दृष्टिकोण राम्रो नभएको उहाँले बताउनुभयो ।
