काठमाडौं । प्रतिनिधि सभा सदस्य देवेन्द्र पौडेलले भारतको छात्रावासमा लगातार नेपाली विद्यार्थीका ज्यान गएको घटना प्रति चिन्ता व्यक्त गर्नुभएको छ ।
सोमबार प्रतिनिधि सभा बैठकमा बोल्दै एउटै कलेजको छात्रबासमा एउटी छात्राले ज्यान गुमाएको घटना सेलाउन नपाउँदै अर्की छात्राले ज्यान गुमाएको भन्दै पौडेलले दुःख व्यक्त गर्नुभयो । ‘झण्डै १२ सय विद्यार्थी अध्ययनरत उक्त विश्वविद्यालयमा भएका यस्ता घटन संयोग मात्रै हो कि, पछाडि कुनै कारण पनि लुकेको छ ?’, उहाँले भन्नुभयो ।
त्यहाँ भएका घटनाको अनुसन्धान भइरहेको छ मात्र भनेर नहुने बताउँदै उहाँले शिक्षा मन्त्रालय डेस्क स्थापना गरी सत्य खोजी गर्नुपर्नेमा उहाँले जोड दिनुभयो । विश्वभरि अध्ययन गरी रहेका नेपाली विद्यार्थीको सुरक्षाको विषमा चासो दिनु पर्ने उहाँको धारणा छ ।
