आजबाट संघीय संसद्को हिउँदे अधिवेशन

काठमाडौं । संघीय संसद्को हिउँदे अधिवेशन आज शुक्रबारदेखि सुरु हुँदै छ ।

दुवै सदनको बैठक आज दिउँसो एक बजेका लागि बोलाइएको छ ।

आज प्रधानमन्त्री केपी शर्मा ओलीसहित दलीय आधारमा प्रतिनिधि सभा सदस्यले मन्तव्य राख्ने कार्यसूची रहेको संसद् सचिवालयले जनाएको छ । आजै दुवै सदनमा सरकारका तर्फबाट ६ अध्यादेश पेश गर्ने कार्यसूची छ ।

संघीय संसद् सचिवालयले प्रतिनिधि सभा र राष्ट्रिय सभा बैठकमा राष्ट्रपतिबाट प्राप्त अधिवेशन आह्वान, प्रधानमन्त्रीको कार्यभार तोकिएको र प्रधानमन्त्री तथा मन्त्रिपरिषद्को कार्यालयबाट प्राप्त कार्यभार थपसम्बन्धी पत्रको ब्यहोरा पढेर सुनाउने कार्यसूची छ ।