काठमाडौं । अमेरिकाको भर्जिनियामा कार दुर्घटना हुँदा दुई नेपालीको ज्यान गएको छ ।
स्थानीय समय अनुसार बिहीबार बिहान ७ बजेतिर भर्जिनियाको स्यान्टिल्ली भन्ने ठाउँमा रहेको विण्डम होटेल परिसरको पोखरीमा कार खस्दा उहाँहरूको ज्यान गएको हो । ज्यान गुमाउनेमा चालक ५५ वर्षका कर्ण खड्का र २० वर्षका निश्चल भट्ट रहेका छन् ।
खड्का सोही होटेलमा हाउस किपिङमा काम गर्नुहुन्थ्यो भने अर्का उहाँका भाञ्जा नाता पर्ने युवा रहेको बुझिएको छ । कार पार्किङ क्षेत्रबाट हिउँमा चिप्लिएर करिब १० फिट गहिरो पोखरीमा खसेको थियो ।
अत्यधिक चिसो र उद्धारमा भएको ढिलाइले उहाँहरूको ज्यान गएको बताइएको छ ।
