काठमाडौं । नेकपा एमालेको केन्द्रीय कमिटी बैठकमा नेताहरूले बोल्ने क्रम सकिएपछि उहाँहरूले उठाउनुभएको प्रश्नमा पार्टी अध्यक्ष केपी शर्मा ओलीले जवाफ दिन लाग्नुभएको छ ।
पार्टी मुख्यालय च्यासलमा जारी बैठकमा अध्यक्ष केपी शर्मा ओलीको राजनीतिक प्रतिवेदनमाथि नेताहरूले राख्नु भएको धारणामा उठेको प्रश्नको अध्यक्ष ओलीले अहिले जवाफ दिइरहनुभएको छ ।
आइतबारबाट जारी बैठकमा अध्यक्ष ओलीले राजनीतिक प्रतिवेदन र महासचिव शंकर पोखरेलले सांगठनिक प्रतिवेदन प्रस्तुत गर्नुभएको थियो । अध्यक्षले जवाफ सहित समापन मन्तव्य राखेपछि बैठक सकिने छ ।
