काठमाडौं । विभिन्न पाँच देशका लागि नियुक्त भएका राजदूतहरुले पद तथा गाेपनीयताकाे शपथ ग्रहण गरेका छन् ।
राष्ट्रपति कार्यालय शीतल निवासमा बुधबार आयाेजित समाराेहमा राष्ट्रपति रामचन्द्र पाैडेलले ५ देशका लागि नियुक्त नेपाली राजदूतलाई शपथ गराउनुभएकाे हाे ।
राष्ट्रपति पौडेलले पोर्चुगलका लागि नेपाली राजदूत प्रकाशमणि पौडेल, दक्षिण अफ्रिकाका लागि प्रा.डा. कपिलमान श्रेष्ठ, बेल्जियमका लागि सेवा लम्साल, मलेसियाका लागि डा. नेत्र प्रसाद तिम्सिना र डेनमार्कका लागि नेपाली राजदूत सुम्निमा तुलाधरलाई शपथ गराउनुभएकाे राष्ट्रपति कार्यालयले जनाएकाे छ ।
