काठमाडाैं । प्रधानमन्त्री केपी शर्मा ओली र चिनियाँ कम्युनिष्ट पार्टी (सीपीसी) का स्थायी कमिटी अध्यक्ष झाव लेजीबीच भेटवार्ता भएकाे छ ।
चीनको औपचारिक भ्रमणमा रहनुभएका प्रधानमन्त्री ओली र लेजीबीच मंगलबार दिउँसाे बेइजिङकाे ग्रेट हल अफ पिपलमा भेटवार्ता भएकाे हाे ।
उहाँहरुबीच नेपाल-चीन सम्बन्ध, आपसी हित र पारस्परिक चासोका साझा विषय र संसदीय मामिलाका विषयमा छलफल भएको प्रधानमन्त्रीको सचिवालयले जनाएको छ ।
लेजी चिनियाँ राष्ट्रिय जनकांग्रेस (संसद्) का अध्यक्ष समेत हुनुहन्छ ।
आजै प्रधानमन्त्री ओलीले चिनियाँ राष्ट्रपति सी चिनफिङ र चिनियाँ समकक्षी लि छ्याङसँग पनि भेटवार्ता गर्नुभएकाे थियाे ।
