काठमाडाैं । चीनको औपचारिक भ्रमणमा रहनुभएका प्रधानमन्त्री केपी शर्मा ओलीलाई चिनियाँ समकक्षी ली छ्याङले स्वागत गर्नुभएकाे छ ।
मंगलबार ग्रेट हल अफ पिपलमा आयाेजित विशेष समाराेहबीच प्रधानमन्त्री ओलीलाई चिनियाँ समकक्षी लीले स्वागत गर्नुभएकाे छ ।
नेपालका प्रधानमन्त्री ओलीकाे सम्मानमा चिनियाँ जनमुक्ति सेनाले गार्ड अफ अनर प्रस्तुत गरेको थियो । समारोहमा अन्य चिनियाँ नेताहरू पनि सहभागी थिए ।
प्रधानमन्त्री ओलीले समकक्षी लीलाई आफ्नो भ्रमण दलका सदस्यहरूसँग परिचय गराउनुभएकाे थियाे । चिनियाँ प्रधानमन्त्री लीले पनि आफ्ना अन्य नेताको परिचय गराउनुभएकाे थियाे ।
स्वागत लगत्तै प्रधानमन्त्रीस्तरमा द्विपक्षीय भेटवार्ता सुरु भएकाे थियाे । साे भेटवार्ता जारी छ । भेटवार्ता लगत्तै दुई देशबीच हस्ताक्षर समारोह हुनेछ ।
प्रधानमन्त्री ओलीले आजै चीनका राष्ट्रपति सी जिनफिङसँग भेटवार्ता गर्नुहुने कार्यक्रम छ ।
हेर्नुस् तस्विर (तस्विर स्राेत प्रधानमन्त्रीकाे सचिवालय):
