रामेछापमा जीप दुर्घटना, वडाध्यक्षसहित ५ जनाको ज्यान गयाे

काठमाडाैं । रामेछापमा जीप दुर्घटना हुँदा ५ जनाको ज्यान गएकाे छ ।

काठमाडौंबाट गोकुलगंगा गाउँपालिका-३ रस्नालु जाँदै गरेको त्रिवेणी यातायातको ना १ ज ७१२३ नम्बरको जीप शुक्रबार दिउँसो दुर्घटना हुँदा वडाध्यक्षसहित ५ जनाकाे ज्यान गएकाे जिल्ला प्रहरी कार्यालय रामेछापले जनाएकाे छ ।

ज्यान गुमाउनेमध्ये गोकुलगंगा-४ का वडाध्यक्ष रामचन्द्र बस्नेतकाे मात्र सनाखत भएकाे छ । अरुकाे सनाखत हुन बाँकी रहेकाे प्रहरीले जनाएकाे छ ।

दुर्घटनामा परी ३ जना घाइते भएका छन् । घाइतेहरूलाई  जिल्ला अस्पताल मन्थली पठाइएको छ । उनीहरुकाे अवस्था मध्यम रहेकाे प्रहरीले जनाएकाे छ ।