काठमाडौं । मकवानपुरको मनहरी गाउँपालिका–६ मा साबेल प्रहारबाट एक पुरुषको हत्या भएको छ ।
मकवानपुरको मनहरी क्षेत्रमा मजदुरी काम गर्ने ५० वर्षीय जीतबहादुर मोक्तानलाई सँगै मजदुरी गर्ने ३४ वर्षका अम्बरबहादुर लोप्चनले सुतिरहेको ठाउँमा साबेल प्रहार गरी हत्या गरेको मकवानपुर प्रहरीले जनाएको छ ।
साबेल प्रहारबाट गम्भीर घाइते भएका मोक्तानलाई उपचारको लागि भरतपुर अस्पताल लगिएकोमा डाक्टरले मृत घोषण गरेका थिए । हत्या आरोपी लोप्चनलाई प्रहरीले पक्राउ गरी अनुसन्धान सुरु गरेको छ ।
