महिला एसियन च्याम्पियन्स ट्रफी : चीनलाई हराउँदै भारतले जित्याे उपाधि

काठमाडाैं । महिला एसियन च्याम्पियन्स ट्रफी, २०२४ को उपाधि भारतीय महिला हक्की टोलीले जितेकाे छ ।

बिहारको राजगिरस्थित हक्की स्टेडियममा भएकाे फाइनल खेलमा चीनलाई १-० ले हराउँदै भारतले एसियन च्याम्पियन्स ट्रफीको उपाधि जितेको हाे । भारतका लागि दीपिकाले एक निर्णायक गोल गरिन् ।

चीनलाई हराउँदै भारतले तेस्रो पटक एसियन च्याम्पियन्स ट्रफीको उपाधि जित्न सफल भएकाे हाे । योसँगै भारत र दक्षिण कोरिया समान ३-३ पटक उपाधि जित्न सफल भएका छन् ।