काठमाडाैं । नेकपा एमालेले मंसिर ७ गते काठमाडौंमा गर्ने भनेको जागरण सभाको पूर्व निर्धारित सभास्थल परिवर्तन गरेको छ ।
जागरण सभा काठमाडौंको दरबारमार्गमा आयोजना गरिने एमालेले बुधबार पत्रकार सम्मेलनमार्फत जानकारी दिएकाे हाे ।
भृकुटीमण्डपमा सभा गर्ने प्रारम्भिक योजना भए पनि ठाउँ सानो हुने भएकाले दरबारमार्गमा सभा गर्ने निर्णय भएकाे सभाका संयोजक एवं पार्टी स्थायी कमिटी सदस्य डा. राजन भट्टराईले जानकारी दिनुभयाे । सभामा १ लाख जनतालाई उतार्ने लक्ष्य लिइएकाे पनि उहाँले बताउनुभयाे ।
एमालेको काठमाडौं, ललितपुर र भक्तपुर जिल्ला कमिटीको आयोजनाम जागरण सभा गर्न लागेको हो ।
सभा संयोजक भट्टराईका अनुसार सभाअघि भद्रकालीबाट र्याली सुरु हुनेछ । भद्रकालीबाट सुरु भएको र्याली सुन्धारा, वीर अस्पताल, रत्नपार्क, घण्टाघर हुँदै दरबारमार्गमा पुगेर सभामा परिणत हुनेछ ।
