वित्तीय संस्थाबाट लिएको ऋण काहीँ पनि मिनाहा हुँदैन : सूर्य थापा

काठमाडौं । नेकपा एमालेका पोलिटब्युरो सदस्य एवं प्रतिनिधि सभा सदस्य सूर्य थापाले कुनै वित्तीय संस्थाबाट लिएको ऋण सबैले तिर्नुपर्ने बताउनुभएको छ ।

बुधबार सामाजिक सञ्जाल फेसबुक मार्फत उहाँले काहीँ कतै कसैले पनि ऋण मिनाहा नपाउने स्पष्ट पार्नुभएको छ । उहाँले ऋण लिनेहरू विदेशी दलालको भड्काउनमा उफ्रिन सक्ने भन्दै सचेत बनाउनुभएको छ । ‘सहकारी, लघुवित्त, फाइनान्स र बैङ्कबाट ऋण लिनेहरू विदेशी दलालले भड्काएर उफ्रिन सक्छन्, तर संसारभर तिर्नुपर्छ, कहीँ कतै ऋण मिनाहा पाउँदैनन्’, थापाले लेख्नु भएको छ ।

ऋण नतिर्ने जो कोहीलाई पनि कालक्रममा कारबाही हुने उहाँले स्पष्ट पार्नुभएको छ । ‘ऋण तिर्नुपर्दैन भन्ने र पछि लाग्ने दुवैथरी वित्तीय अपराधी हुन्, समय क्रममा कारबाही र ऋण असुली हुन्छ नै’, उहाँले लेख्नु भएको छ ।