काठमाडाैं । एकीकृत समाजवादीका केन्द्रीय सदस्य तथा दैलेखका पूर्व जिल्ला अध्यक्ष जंगबहादुर शाही नेकपा एमालेमा फर्किनुभएकाे छ ।
मंगलबार दैलेखमा आयाेजित नेकपा एमाले जिल्ला कमिटीकाे अगुवा कार्यकर्ता भेलामा कर्णाली प्रदेशका मुख्यमन्त्री एवं एमाले स्थायी कमिटी सदस्य यामलाल कँडेलले शाहीलाई मंगलबार पार्टीमा स्वागत गर्नुभएकाे हाे ।
शाहीसहित साे पार्टीका अन्य नेताहरु पनि एमालेमै फर्किएका छन् ।
शाही ०७४ मा एमालेबाट महावु गाउँपालिकाको अध्यक्षमा निर्वाचित हुनुभएकाे थियाे । तर एमालेबाट चाेइटिएर माधव कुमार नेपालले एकीकृत समाजवादी पार्टी खाेलेपछि शाही नेपालतिर लाग्नुभएकाे थियाे ।
