रवि लामिछाने पक्राउ विरुद्ध रास्वपाले आज पनि काठमाडौंमा प्रदर्शन गर्ने

काठमाडौं । राष्ट्रिय स्वतन्त्र पार्टी (रास्वपा) ले आइतबार पनि काठमाडौं केन्द्रित विरोध प्रदर्शन गर्ने भएको छ ।

सहकारी ठगी आरोपमा पक्राउ परेका पार्टी सभापति रवि लामिछानेको समर्थनमा आइतबार दिउँसो ३ बजे देखि ५ बजे सम्म माइतीघर मण्डलामा सो पार्टीका नेता, कार्यकर्ताले विरोध प्रदर्शन गर्न लागेका हुन् । लामिछानेलाई राजनीतिक पूर्वाग्रह राखी सहकारी ठगी प्रकरणमा पक्राउ गरिएको रास्वपाको आरोप छ ।

लामिछाने पक्राउ परेदेखि पोखरामा आन्दोलन गर्दै आएका रास्वपाका कार्यकर्ताले पोखरामा सहकारी पीडितको आन्दोलन चर्किएपछि शुक्रबारदेखि काठमाडौँ केन्द्रित आन्दोलन थालेका छन् । लामिछानेलाई कास्की प्रहरीले हिरासतमा राखेर छानबिन गरिरहेको छ ।