काठमाडौं । नेपाल चेम्बर अफ कमर्सका अध्यक्षका कमलेशकुमार अग्रवालले मुलुकलाई कृषिमा आत्मनिर्भर बनाउन निजी क्षेत्रलाई प्रोत्साहित गर्नुपर्ने बताएका छन् । कृषिमैत्री मुलुक परनिर्भर बन्दै गएकोमा चिन्ता पनि व्यक्त गर्नुभयाे ।
नेपाल चेम्बर अफ कमर्सको कृषि जडीबुटी तथा बनजन्य समितिले शुक्रबार आयोजना गरेको कृषिमा लगानी दशक सन्दर्भिकता र निजी क्षेत्रको भुमिका विषयक अन्तरक्रियामा उनले लगानीमैत्री वातावरण बन्नसके मात्र कृषि क्षेत्रको विकास हुनेमा जोड दिनुभयाे ।
सरकारको १० बर्षे लगानी नीति निजी क्षेत्रसँगको सहकार्यमार्फत सफल बनाउन सकिने भएकाले सोही अनुसारको योजना तथा कार्यक्रम तयार पारी त्यसको प्रभावकारी कार्यान्वयनका लागि नीतिगत क्षेत्रमा सुुधार आवश्यक रहेको औंल्याए ।
‘कृषि क्षेत्रका विकास र विस्तारका लागि निजी क्षेत्रलाई आकर्षित गर्न सक्नुपर्छ । उत्पादन र बजारीकरणमा सरकारको सहयोग आवश्यक छ । सहुलीयतपूण ऋण र बजारमा सरकार बढी जिम्मेवार हुन जरुरी छ,’ उनले भने,‘देशको कुल ग्रार्हस्थ उत्पादनमा २४.९५ प्रतिशत योगदान कषि क्षेत्रमा आश्रित नागरिकको संख्या झन्डै दुइ तिहाइ रहेकाले १८ प्रतिशत नेपाली निरपेक्ष गरिबीको रेखामुनि रहेको अवस्थामा निर्वाहमूखि कृषि प्रणालीलाई व्यवसायिक एवम औद्योगिक कृषि प्रणालीमा रुपान्तरण गर्नु जरुरी छ ।’
चेम्बर अफ कमर्सले पनि आफ्नो रणनीतिमा कृषिलाई प्राथमिकता दिएको उल्लेख गर्दै अग्रवालले सरकारको नीति तथा कार्यक्रम सफल बनाउन आम कृषकहरुको वास्तविक समस्या पहिचान गरी निजी क्षेत्रसँग साझेदार गर्न जरुरी रहेको बताउनुभयाे ।
कार्यक्रममा कृषिमन्त्री रामनाथ अधिकारीले निजी क्षेत्रसँग हातेमालो गरेर मात्र मुलुक समृद्ध हुने बताए । मन्त्री अधिकारीले आफ्नो ध्यान कृषि कर्मगर्नेहरुलाई प्रोत्साहन गर्नमा केन्द्रित रहेको पनि बताउनुभयाे ।
कार्यक्रममा नेपाल चेम्बर अफ कमर्सका वरिष्ठ उपाध्यक्ष दिपक मलोहत्रा, नेपाल सरकारकी सहसचिव सवनम शिवाकोटी, चेम्बर अफ कमर्सको कृषि जडीबुटी तथा बनजन्य समितिका सभापति कृष्णमान श्रेष्ठलगायतले आफ्नो धारणा राखेका थिए ।
