काठमाडौं । नेकपा एमालेले काठमाडाैंकाे कीर्तिपुर नगरपालिका-२ मैत्रीनगरमा पार्टीको नयाँ केन्द्रीय कार्यालय भवन निर्माण गर्ने भएकाे छ ।
प्रधानमन्त्री एवं पार्टी अध्यक्ष केपी शर्मा ओलीले आज मध्याा्श दिउँसो १२:२५ मिनेटमा साे भवन निर्माणकाे शिलान्यास गर्नुहुने कार्यक्रम छ ।
पार्टी केन्द्रीय कार्यालय च्यासलमा बिहीबार बसेको एमाले सचिवालय बैठकले कीर्तिपुरमा मदन भण्डारी स्मृति भवनको नाममा स्थायी रुपमा पार्टीकाे केन्द्रीय कार्यालय भवन निर्माण गर्ने निर्णय गरेकाे थियाे ।
०७२ को विनाशकारी भूकम्पपछि काठमाडौं महानगरपालिका-१४ मदननगर बल्खुमा रहेको एमाले पार्टी केन्द्रीय कार्यालय ध्वस्त भएको थियाे ।त्यसयताका ९ वर्ष एमालेकाे पार्टी कार्यालय विभिन्न ठाउँमा भाडामा बस्दै आएको छ । एमालेकाे केन्द्रीय पार्टी कार्यालय धुम्बाराही, माइतीघर हुँदै अहिले च्यासलबाट सञ्चालन हुँदै आएको छ ।
