काठमाडौं । नेपाली कांग्रेस र नेकपा एमालेले आज प्रधानमन्त्री विपद् राहत कोषमा रकम हस्तान्तरण गर्ने भएका छन् ।
दुई राजनीतिक दलले प्रधानमन्त्री तथा मन्त्रिपरिषद् कार्यालय सिंहदरबारमा पुगेर प्रधानमन्त्री केपी ओलीलाई कोषमा जम्मा गर्ने रकमको चेक हस्तान्तरण गर्ने कार्यक्रम रहेको प्रधानमन्त्रीको सचिवालयले जनाएको छ ।
आजै प्रधानमन्त्री राहत कोषमा निर्माण व्यवसायी विकास परिषद्ले पनि रकम हस्तान्तरण गर्ने कार्यक्रम रहेको छ । त्यस्तै कोषमा नेपाल बैङ्क लिमिटेडले पनि रकम हस्तान्तरण गर्दै छ ।
प्रमुख प्रतिपक्षी दल नेकपा माओवादी केन्द्रले भने प्रधानमन्त्रीलाई आज पहिरो पछि पुनस्थापनाको सम्बन्धमा ज्ञापनपत्र बुझाउने कार्यक्रम छ ।
