काठमाडौं । केही दिन अघिको भारी बर्षाका कारण आएकाे बाढी, पहिरो र डुबानमा परी ज्यान गुमाउनेकाे संख्या २ सय २८ जनाको ज्यान गएकाे छ ।
विपद्मा परी आजसम्म २५ जना बेपत्ता रहेका गृह मन्त्रालयले जनाएकाे छ । विपद्मा परी १ सय ५८ जना घाइते भएका छन् । हालसम्म बाढीपहिरो प्रभावित क्षेत्रबाट १३ हजार ७१ जनाको उद्धार गरिएको गृह मन्त्रालयले जनाएकाे छ ।
गृह मन्त्रालयका प्रवक्ता ऋषिराम तिवारीका अनुसार सरकारले खाेज, उद्धार र राहतलाई उच्च प्राथमिकता दिएको छ । प्रभावितलाई खाद्यान्न लगायत राहत सामग्री प्रदान गरिएकाे छ । घाइतेको निःशुल्क उपचार भइरहेको छ ।
