काठमाडाैं । नेकपा माओवादी केन्द्र निकट अखिल नेपाल राष्ट्रिय स्वतन्त्र विद्यार्थी संगठन (क्रान्तिकारी) को २३औं राष्ट्रिय सम्मेलन आजदेखि काठमाडौंमा सुरु हुँदैछ ।
काठमाडाैं कीर्तिपुरस्थित त्रिभुवन विश्वविद्यालय स्मृति हलमा हुने सम्मेलनकाे माओवादी केन्द्रका अध्यक्ष पुष्पकमल दाहाल प्रचण्डले उद्घाटन गर्नुहुने कार्यक्रम छ ।
आजदेखि असाेज १४ गतेसम्म चल्ने सम्मेलनले ३३ पदाधिकारीसहित २ सय ४३ सदस्यीय नयाँ केन्द्रीय कमिटी चयन गर्नेछ । नयाँ नेतृत्वका लागि असोज १३ गते मतदान हुने कार्यक्रम तय छ ।
सम्मेलनमा २ हजार ३ सय २३ जना प्रतिनिधि सहभागी हुँदैछन् ।
