काठमाडौं । भारतका प्रधानमन्त्री नरेन्द्र मोदीले नेपालसँग भारतको बलियो मित्रता रहेको बताउनुभएको छ ।
संयुक्त राष्ट्रसंघको महासभामा भाग लिने क्रममा अमेरिकाको न्यूयोर्कमा रहनुभएका मोदीले नेपालका प्रधानमन्त्री केपी ओलीसँग भएको साइडलाइन भेटको फोटो सार्वजनिक गर्दै नेपालका प्रधानमन्त्रीसँग न्यूयोर्कमा निक्कै राम्रो भेट भएको उल्लेख गर्नुभएको छ ।
सामाजिक सञ्जाल एक्समा फोटो राख्दै मोदीले नेपाल र भारत दुई देश बिचको सम्बन्धलाई अझ गतिशील बनाउने पक्षमा रहेको लेख्नु भएको छ । ‘प्रधानमन्त्री केपी ओलीसँग न्यूयोर्कमा निक्कै राम्रो भेट भयो, भारत–नेपाल मित्रता धेरै बलियो छ र हामी हाम्रो सम्बन्धलाई अझ गति दिन चाहन्छौँ, हाम्रो वार्ता ऊर्जा, प्रविधि र व्यापार जस्ता मुद्दाहरूमा केन्द्रित थियो’, मोदीले लेख्नु भएको छ ।
