काठमाडौं । नेपाली कांग्रेस केन्द्रीय समितिको बैठक आज बस्दै छ ।
गत साउन २३ गतेदेखि सुरु भएर २८ गतेदेखि रोकिएको बैठक आज बिहान ११ बजेबाट पुन बस्न लागेको हो । यस अघिको बैठकमा अधिकांश केन्द्रीय सदस्यले आफ्ना धारणा राखिसक्नु भएको छ । आजको बैठकमा पूर्व र वर्तमान पदाधिकारीहरूले धारणा राख्ने कार्यक्रम छ ।
बैठकमा महामन्त्री गगन थापाले छलफलका लागि प्रस्तुत गर्नुभएको ११ वटा एजेण्डाका अतिरिक्त परिमार्जनसहित पेश भएका महासमिति बैठकका प्रतिवेदन माथि छलफल भइरहेको छ ।
त्यस्तै उपसभापति पूर्णबहादुर खड्काले पेश गरेको नीति प्रतिवेदन, महामन्त्री गगन थापाले राखेको सांगठनिक र अर्का महामन्त्री विश्व प्रकाश शर्माले राखेको समसामयिक प्रतिवेदन माथि छलफल केन्द्रित हुने छ ।
