काठमाडौँ । काठमाडौँमा जारी साफ यू–२० च्याम्पियनसिप अन्तर्गत समुह ए बाट नेपाल र बङ्गलादेश सेमिफाइनलमा पुगेका छन् ।
समुह ए अन्तर्गत मंगलबार सम्पन्न खेलमा बङ्गलादेशले श्रीलंकालाई २–० ले पराजित गरेसँगै नेपाल र बङ्गलादेश सेमिफाइनलमा पुगेका हुन् । समुह ए का दुवै खेलमा हार बेहोरेपछि श्रीलङ्का भने प्रतियोगिताबाट बाहिरिएको छ ।
नेपालले समूह चरणको अन्तिम खेलमा बिहीबार बंगलादेशसँग खेल्ने तालिका रहेको छ । विजयी हुने टिम समूह विजेता हुँदै सेमिफाइनलमा पुग्नेछ । यता समूह बी को खेलमा भारतले भुटानलाई १–० गोलले पराजित गरेको छ ।
नेपालसहित ६ देशले भाग लिएको यस प्रतियोगितामा समूह ए मा नेपाल, बंगलादेश र श्रीलंका तथा समूह बी मा भारत, भुटान र माल्दिभ्स रहेका छन् ।
