काठमाडौं । हुम्लाको सर्केगाड गाउँपालिकाका उपाध्यक्ष चन्द्रसिंह कार्कीको मोटर दुर्घटनामा परी ज्यान गएको छ ।
सुर्खेतबाट नेपालगन्ज जाँदै गरेको कर्णाली प्रदेश ०२००१ ख १०११ नम्बरको गाडी सुर्खेतको भेरीगंगा नगरपालिका–५ मा दुर्घटनामा पर्दा ३९ वर्षीय कार्कीको ज्यान गएको हो । दुर्घटनामा परी टाउको र छातीमा गम्भीर चोट लागेका कार्कीलाई उपचारको लागि नेपालगञ्ज मेडिकल कलेज पुर्याएको थियो ।
उपचारको क्रममा राति १ः४५ बजे कार्कीको ज्यान गएको जिल्ला प्रहरी कार्यालय सुर्खेतले जनाएको छ । कार्की नेकपा माओवादी केन्द्रबाट गाउँपालिका उपाध्यक्षमा निर्वाचित हुनुभएको थियो । उहाँकी पत्नी जुम्कीत लामा कर्णाली प्रदेश सभा सदस्य हुनुहुन्छ ।
