काठमाडौं । नेपाल इन्जिनियरिङ कलेजका सञ्चालन समितिको अध्यक्ष एवं चाँगुनारायण नगरपालिकाका मेयर जीवन खत्रीले नेपालमै सर्वशुलभ शुल्कमा गुणस्तरीय इन्जिनियरिङ शिक्षा प्रदान गर्ने संस्था रहेको भन्दै युवाहरु बाहिरिन नपर्ने बताउनुभएकाे छ ।
विहीबार काठमाडौंमा पत्रकार सम्मेलनको आयोजना गर्दै उहाँले सबै विद्यार्थीहरुलाई विदेश नगई देशमै बस्न आग्रह गरेका छन् ।
उहाँले भन्नुभयाे,‘नेपाल इन्जिनियरिङ कलेज विशुद्ध सर्वशुलभ शुल्कमा गुणस्तरीय इन्जिनियरिङ शिक्षा प्रदान गर्न प्रतिबद्ध रहेको शैक्षिक संस्था हो । कलेज शिक्षा, विज्ञान तथा प्रविधि मन्त्रालयद्वारा गठित सञ्चालक समितिमार्फत सञ्चालनमा रहेको छ । यसले राम्रो शिक्षा प्रदान गरेको छ र समय अनुसार अन्य विषयहरु पनि सुरुवात गर्ने भएको हुनाले यो बारे सबैलाई जानकारी गराउन अनुरोध गर्न चाहन्छु ।’
उहाँले पछिल्लो समय कक्षा १२ पास गर्ने वित्तिकै सीप र क्षमता विना विद्यार्थीहरु उच्च शिक्षाको नाममा बिदेश जाने प्रवृत्ति बढेको पनि बताउनुभयाे ।
विद्यार्थीहरु आफैं काम गरेर कमाएर पढ्नुपर्ने, विदेश आएको लाखौ ऋणको दायित्व पनि वहन गर्नुपर्ने परिस्थिति सृजना हुँदा शारीरिक र मानसिक रुपमा विछिप्त बन्दै गलत बाटोमा हिड्न सक्ने सम्भावना पनि रहेको उनको भनाई छ ।
उहाँले नेपालको शिक्षा अन्तर्राष्ट्रियस्तरको रहेको भन्दै नेपालमै इन्जिनियरिङ गरेका विद्यार्थीहरु विश्वका धेरै देशहरुमा प्रतिष्ठित कम्पनी र क्षेत्रमा सफलतापूर्वक अगाडि बढिरहेको भन्दै प्रश्न उठाउने ठाउँ नरहेको बताउनुभयाे ।
