काठमाडौं । दलितका लागि दलित अभियान, नेपाल सरकार गठन र राजनीतिक नियुक्तिमा दलितलाई घृणा गरेको भन्दै हातखुट्टामा नेल लगाएर प्रर्दशनमा रहेका छन् ।
दलितका लागि दलित अभियान नेपालको समन्वयमा अभियानका संयोजक खगेन्द्र सुनार सहितका युवाहरुले विगत सात दिनदेखि माइतीघरमा विरोध प्रर्दशन गरिरहेका छन् ।
संविधानको व्यवस्था र सामाजिक न्यायको सिद्धान्तबमोजिम दलितको राजनीतिक प्रतिनिधित्व सुनिश्चित गर्नुपर्ने उनीहरुको माग रहेको छ ।
अभियानका संयोजक सुनारले प्रधानमन्त्री ओलीले दलितहरुलाई जातिय विभेद गरेको आरोप लगाएका छन् ।
उहाँले भन्नुभयाे, ‘आजको दिनमा पनि जुन तरिकाले दलितहरुमाथि सरकार निर्मम भयो, केपी ओलीले जातिय घृणा र अपमान फैलाइ रहेका छन् । केपी ओलीलले दलितहरुलाई जातिय विभेद गरेका छन् । दलितलाई जे गरेपनि हुन्छ भन्ने मान्यता राखेको थियो, तर त्यस्तो होईन् ।’
