काठमाडौं । नेकपा माओवादी केन्द्रको स्थायी समितिको बैठक आजदेखि बस्दै छ ।
बैठक आज अपराह्न चार बजे पार्टीको केन्द्रीय कार्यालय पेरिस डाँडामा बस्ने भएको छ । समसामयिक राजनीतिक परिस्थिति तथा विगतको समीक्षा र पार्टी नयाँ योजना बारे बैठकमा छलफल हुने बताइएको छ ।
बैठकमा जनपरिचालन, संगठन निर्माण र विस्तारका बारेमा पनि छलफल हुने बताइएको छ ।
यसअघि आजै बिहान ११ बजे माओवादी केन्द्रको कार्यालय बैठक बस्दै छ । बैठकले स्थायी समितिका बैठकका ‘एजेण्डा’ तय गर्ने पार्टीले जनाएको छ ।
