एमाले संगठन विभाग प्रमुख र सचिवको जिम्मेवारी काशीनाथ अधिकारी र माधव ढुङ्गेललाई नै

काठमाडौं । पार्टीको सबैभन्दा महत्त्वपूर्ण विभागको रूपमा रहेको नेकपा एमाले संगठन विभाग प्रमुखमा काशीनाथ अधिकारी नै दोहोरिनु भएको छ ।

पार्टी सचिवालय बैठकले नेताहरू जिम्मेवारी हेरफेर गर्दा पनि संगठन विभाग प्रमुख अधिकारी सचिव माधव ढुङ्गेलको जिम्मेवारीलाई यथावत् राखेको छ ।

विभागका सदस्यमा भानुभक्त ढकाल, शेरधन राई, लीला गिरी, सुमनराज प्याकुरेल, सुजिता शाक्य, ज्वाला शाह, विशाल भट्टराईले जिम्मेवारी पाउनु भएको छ । त्यस्तै लीला भण्डारी, लक्ष्मी पोख्रेल, सम्झना देवकोटा, गणेश पहाडी, गोविन्दबहादुर नेपाली र जीवन गौतम पनि संगठन विभागको सदस्य रहनुभएको छ ।