काठमाडौं । १७ वर्षपछि, नेपाल कमर्स क्याम्पसका प्राध्यापक धर्मराज विष्टको हत्यामा संलग्न भएको आरोपमा एक जना व्यक्ति अहिले आएर पक्राउ परेका छन्।
क्याम्पसका विष्टको हत्या गरेको भन्दै रन्जन खड्का पक्राउ परेका हुन् ।
काठमाडौं उपत्यका अपराध अनुसन्धान कार्यालय टेकुको टोलीले उनलाई नियन्त्रणमा लिएको हो ।
यसअघि पनि प्रहरीले सोहि घटनामा विनोद थापा र सबिता थापा अधिकारीलाई पक्राउ गरेको थियो । पक्राउ गरिएका रन्जन, विनोदका मामाका छोरा हुन् ।
१७ वर्ष पहिले, २०६४ असार २६ गते, प्राध्यापक विष्टको शंखमुलमा हत्या हुने गरिनै कुटपिट गर्दा उहाँको ज्यान गएको थियो ।
गत चैतमा हत्याको आरोपमा सबिता थापालाई पक्राउ गरिएको थियो। यसैगरी, १० वर्ष जेल बसेर विनोद थापा २०७९ सालमा छुटेका थिए। रन्जन लामो समयदेखि भारतमा लुकेर बसिरहेका थिए।
