काठमाडौं । पोखरामा सोमबार बिहान एउटा स्कुल बस दुर्घटना हुँदा एक जनाको ज्यान गएको छ ।
सोमबार बिहान पोखरा–२१ रामदीबाट विद्यार्थी बोकेर पोखरा–१७ बिरौटामा रहेको एलपी देवकोटा विद्यालयतर्फ आउँदै गरेको सो विद्यालयको ग १ ख ६२१९ नं बस दुर्घटनामा परेको हो । मट्टिखान जाने सडकको थुन्कु भन्ने ठाउँमा दुर्घटनामा भएको थियो । दुर्घटनामा विद्यालयकी सहयोगी ३३ वर्षीय आरती विकको ज्यान गएको प्रहरीले जनाएको छ ।
बसमा सवार २८ जना विद्यार्थी घाइते भएका छन् । घाइतेमध्ये १४ जनाको जिएमसी अस्पतालमा, १२ जनाको गण्डकी अस्पतालमा र तीन जनाको मणिपाल शिक्षण अस्पतालमामा उपचार भइरहेको छ ।
घुम्ती पार गर्ने क्रममा बस सडकदेखि करिब ६० मिटर तल खसेको थियो ।
