काठमाडौं । एसीसी एसिया महिला कप क्रिकेटको फाइनल खेल भारत र श्रीलङ्काबिच हुने भएको छ ।
शुक्रबार राति भएको दोस्रो सेमिफाइनलमा पाकिस्तानलाई तीन विकेटले पराजित गर्दै आयोजक श्रीलङ्का फाइनलमा पुगेपछि भारतसँगको फाइनल खेल पक्का भएको हो । पाकिस्तानले चार विकेटको क्षतिमा दिएको १ सय ४१ रनको चुनौती एक बल बाँकी हुँदा श्रीलङ्काले सात विकेटको क्षतिमा पुरा गरेको हो ।
यसअघि पहिलो सेमिफाइनलमा भारतले बङ्गलादेशलाई १० विकटले पराजित गर्दै फाइनलमा पुगेको थियो ।
आयोजक श्रीलंका र भारतको फाइनल खेल आइतबार हुँदै छ । खेल आइतबार दिउँसो ३ः१५ बजे श्रीलङ्काको डम्बुला क्रिकेट मैदानमा हुने छ ।
