काठमाडौं । नेकपा एमालेका वरिष्ठ उपाध्यक्ष ईश्वर पोखरेल कतार पुग्नुभएको छ ।
प्रवासी नेपाली मञ्च कतारको सातौँ राष्ट्रिय अधिवेशनलाई सम्बोधन गर्न उहाँ बुधबार कतार जानुभएको हो । भोली शुक्रबार अल डल्ला ड्राइभिङको सभा हलमा बिहान ११ बजेबाट सुरु हुने अधिवेशनलाई प्रमुख अतिथिका रूपमा पोखरेलले सम्बोधन गर्ने कार्यक्रम छ । उहाँको कतार बसाई पाँच दिनको हुने छ ।
पोखरेलसँगै एमाले कोशी प्रदेश कमिटीका अध्यक्ष घनश्याम खतिवडा, केन्द्रीय सदस्य उमाशंकर अरगरिया लगायतका नेता कतार पुगिसक्नु भएको छ ।
