काठमाडौं । नवनियुक्त परराष्ट्र मन्त्री आरजु राणा देउवाले पदभार ग्रहण गरेकी गर्नुभएकाे छ ।
सोमबार दिउँसो राष्ट्रपतिसमक्ष पद तथा गोपनीयताको शपथ लिएकी मन्त्री राणाले आजै सिंहदरबारस्थिति मन्त्रालयमा पुगेर पदभार गर्नुभएकाे हाे ।
राणा पहिलोपटक मन्त्री बन्नुभएकाे हाे । रोजेको मन्त्रालय पाउनेभएकी उहाँले मन्त्रिपरिषदको सातौं वरियतामा रहनुहुने छ ।
पदभार ग्रहणपछि उहाँले सीमा समस्याहरू तथ्य र प्रमाणका आधारमा समाधान हुने बताउनुभएकाे छ ।
उहाँले पहिलाभन्दा अहिले धेरै सूचनाहरु तत्काल प्राप्त हुने गरेको भन्दै सीमाका विषयमा पहिलेजस्तो सीमास्तम्भ हेरेर मात्र निर्णय गर्नुपर्ने अवस्था नरहेको बताउनुभयाे ।
बोर्डरहरूमा पहिलाजस्ते यो पिलर यहाँ थियो, त्यो पिलर त्यहाँ थियो भनेर झगडा गर्नुनपर्ने भन्दै तथ्यमा आधारित हुने हो भने सीमा समस्या समाधान हुने उनको दावी गर्नुभयाे ।
मन्त्री राणाले भूगोल, इतिहास र जीपीएस नक्साका आधारमा समस्या समाधान गर्न सकिने बताउनुभयाे । नेपाली कांग्रेसकी केन्द्रीय सदस्यसमेत रहेकी उहाँ नेपाली काँग्रेसका सभापति एवं पूर्व प्रधानमन्त्री शेरवहादुर देउवाको श्रीमती हुनुहुन्छ ।
उहाँलाई विभिन्न भ्रष्टाचार तथा अनियमितताका काण्डमा संलग्न भएको आरोप लगाउने गरिन्छ । राणा २०७४ मा कैलाली– ५ बाट चुनाव लड्नुभएकाे थियाे । त्यसबेला वाम गठबन्धनका तर्फबाट एमाले नेता नारदमुनि रानाले हराउनुभएकाे थियाे ।
कांग्रेस समानुपातिक मार्फत प्रतिनिधि सभा सदस्य भएकी उनी हाल कृषि, सहकारी तथा प्राकृतिक स्रोत समितिको सभापति हुनुहुन्छ । लामो समय गैर सरकारी संस्थाहरुमा व्यस्त रहेकी उनी ०५१ सालमा देउवासँग विवाह गरेपछिपनि लामो समय सक्रिय राजनीतिमा दिनुभएकाे थियाे ।
