काठमाडौं । नेपाली कांग्रेसका नेता जीतेन्द्रनारायण देव नेकपा एमालेमा प्रवेश गर्नुभएकाे छ ।
संविधानसभा सदस्य, पूर्व पर्यटनमन्त्री तथा पूर्व राष्ट्रिय सभा सदस्य समेत रहनुभएका देव सोमबार एमालेमा प्रवेश गर्नुभएकाे हाे । एमाले अध्यक्ष केपी शर्मा ओलीले उहाँलाई टीका र खादा लगाएर पार्टीमा स्वागत गर्नुभयाे ।
कार्यक्रममा वरिष्ठ उपाध्यक्ष ईश्वर पोखरेल, महासचिव शंकर पोखरेल, उपमहासचिव प्रदीप ज्ञवालीलगायतका नेताहरूको सहभागिता रहेको थियो । एमालेबाट राजनीति सुरु गर्नुभएका देव एमाले पोलिटब्युरो सदस्यसम्म हुनुभएको थियो ।
बिचमा विजयकुमार गच्छदार नेतृत्वको मधेसी जनअधिकार फोरम लोकतान्त्रिक हुँदै उहाँ नेपाली कांग्रेसमा पुग्नुभएको थियो । देवले आत्मालोचना गर्दै पुरानै पार्टीमा फर्किएको बताउनुभयो ।
देवसँगै लोकतान्त्रिक समाजवादी पार्टी (लोसपा) का वरिष्ठ उपाध्यक्ष अकबाल अहमद साह लगायतका नेताहरू पनि एमाले प्रवेश गर्नुभएको छ ।
अहिले उहाँ पुन: एमालेमै फर्किनुभएकाे हाे ।
