काठमाडौं । नेपाली राजनीतिका शीर्ष नेताहरूको अकस्मात् राजनीतिक भेटघाट बढेको छ ।
शनिबार बेलुका नेपाली कांग्रेसका सभापति शेरबहादुर देउवा र एमाले अध्यक्ष केपी शर्मा ओली बिच भेटवार्ता भएको थियो । ओलीलाई भेट्न कांग्रेस सभापति शेरबहादुर देउवा उहाँकै निवासमा पुग्नु भएको थियो ।
दुई नेताहरू बिच के कुरा भयो भन्ने विषय अहिलेसम्म सार्वजनिक भएको छैन । देउवा र ओली बिच भएको भेटघाटको चर्चा भइरहेको बेला आज बिहान एमाले अध्यक्ष केपी शर्मा ओली र प्रधानमन्त्री तथा माओवादी केन्द्रका अध्यक्ष पुष्पकमल दाहाल प्रचण्ड बिच भेटवार्ता भएको छ । प्रधानमन्त्रीलाई भेट्न एमाले अध्यक्ष केपी शर्मा ओली सिंहदरबार पुग्नु भएको छ ।
