काठमाडौं । आम जनता पार्टीका अध्यक्ष प्रभु साहले आंगिक कलेजहरुमा निजी व्यापार भइरहेको बताउनुभएको छ ।
बिहीबार प्रतिनिधि सभाको बैठकमा विशेष समयमा बोल्दै उहाँले यस्तो बताउनुभएको हो ।
‘सरकारी कलेजहरु, खासगरी आंगिक कलेजहरुमा निजी व्यापार भइरहेको छ । सरकारी कलेजहरुमा प्राइभेट कलेजहरु जसरी निजी अनुमति लिने र अकुत पैसा उठाएर ब्यापार गर्ने त्यो खुलेआम भ्रष्टाचार भइरहेको छ’ उहाँले भन्नुभयो , ‘यसको अवस्था के हो हामी जान्न चाहन्छौं ।’
सरकारी पैसाबाट तलब खाने, सरकारी पैसाबाट पूर्वाधारमा निजी अनुमति लिएर पैसा उठाउने र अपारदर्शी ढंगले त्यसको दुरुपयोग गर्ने काम आंगिक कलेजहरुमा भइरहेको उल्लेख गर्दै उहाँले यस्तो हुन नदिनको लागि समेत माग गर्नुभयो ।
